Bluetooth-tengingar
Hægt er að tengjast þráðlaust við samhæf tæki með
Bluetooth. Samhæf tæki eru m.a. farsímar, tölvur og
aukabúnaður eins og höfuðtól og bílbúnaður. Hægt er að
nota Bluetooth til að senda myndir, hreyfimyndir, tónlist,
hljóðskrár og minnismiða; til að tengjast þráðlaust við
samhæfar tölvur (t.d. til að flytja skrár) eða til að tengjast
við samhæfan prentara til að prenta myndir með
Myndprentun
. Sjá „Myndprentun” á bls. 33.
Þar sem tæki með Bluetooth-tækni nota útvarpsbylgjur til
samskipta þurfa tækin ekki að vera í beinni sjónlínu hvert
við annað. Nóg er að tækin séu í innan við 10 metra
(33 feta) fjarlægð hvort frá öðru. Truflanir geta þó orðið
á tengingunni vegna hindrana líkt og veggja eða annarra
raftækja.
Þetta tæki er samhæft við Bluetooth Specification 2,0 sem
styður eftirfarandi snið: Basic Printing Profile, Dial-up
Networking Profile, Headset Profile, Handsfree Profile,
Object Push Profile, File Transfer Profile, Basic Imaging
Profile, SIM Access profile, Synchronization Profile og
Human Interface Device Profile. Til að tryggja samvirkni
milli annarra tækja sem styðja Bluetooth-tækni skal nota
aukahluti sem eru viðurkenndir af Nokia fyrir þessa tegund.
Leita skal upplýsinga hjá framleiðendum annarra tækja
um samhæfi þeirra við þetta tæki.
Útskýring: Snið tengist þjónustu eða virkni og
skilgreinir hvernig mismunandi tæki tengjast. Til dæmis
er handfrjálsa sniðið notað til að tengja handfrjálst
tæki og farsímann. Til að tæki séu samhæf þurfa þau
að styðja sömu snið.
Takmarkanir kunna að vera á notkun Bluetooth-tækni
á sumum stöðum. Kanna skal það hjá yfirvöldum
á staðnum eða þjónustuveitunni.
Aðgerðir sem nota Bluetooth-tækni eða leyfa slíkum
aðgerðum að keyra í bakgrunni meðan aðrar aðgerðir eru
notaðar krefjast aukinnar rafhlöðuorku og minnka endingu
rafhlöðunnar.
Ekki er hægt að nota Bluetooth þegar tækið er læst. Frekari
upplýsingar um læsingu tækisins er að finna í „Öryggi”
á bls. 118.